МАЛIТВА ЗА БАЦЬКАЎШЧЫНУ

Бяз краю Maгyтны й бязьмежна Мiласьцiвы Божа, што з Твае найвышэйшае Мудрасьцi стварыў Белаpycкi Народ i, абдарыўшы яго мiлагучнаю моваю ды ўшчадрыўшы гожым i багатым краям, нас зь яго на сьвет пусьцiў, не пакiнь нас без накiраваньня на да-годныя Табе шляхi ды без Твае Ласкi й Апекi.
Не дазволь лiхiм сiлам адвярнуць нас ад любасьцi да Цябе й да блiзкiх, ды ад удзячнасьцi за усё дабро, што Ты нам даў.
Навучы нас пашыраць любасьць i згоду памiж людзьмi, каб спынiлiся й загаiлiся крыўды, ды дай розум памнажаць духовыя й матэрыяльныя багацьцi, што Ты даў на карысьць yciм ды Табе на славу й пахвалу.
А найбольш паспрыяй ды памажы нам Шчодры Створча не адрачыся ад любасьцi да Беларускага Народу, сьпеўнай мовай якога мы навучылiся пазнаваць i хвалiць Цябе, ды не дазволь забыцца шанаваць красу роднага краю, што гледзячы на яе, мы век дзівуемся з Твае Велiчы.
Дай нам мудрасьць, навагу й вытрываласьць здабыць нашаму Беларускаму Народу дзяржаўную незалежнасьць, якую Ты роўна ўciм народам наканаваў ды, асягнуўшы гэтую мэту, зрабiць яе зарукай справядлiвасьцi, роўнасьцi перад правам i аднолькавае магчымасьці на шчасьце для кожнага грамадзяніна.
Настаў нас, як памагчы нашым братам, што забылiся на любасьць да Цябе й адраклiся ад усяго род-нага, узноў вяpнyццa да Цябе й адчуць умiлаваньне да Народу й Краю, зь якiх нарадзiлiся, ды стаць разам з намі да працы за лепшую долю.
Зьмянi ў прыяньне ненавiсьць нашых ворагаў, а над тымi, што ня схочуць скарыцца Тваёй Волi, дай нашай справядлiвай Справе перамогу ды ўстанаві мip i дабрабыт на нашай зямлi й на ўciм сьвеце.
Ды завяршы, Божа, Тваю бязьмежную Мiласьцiвасьць Ласкай нам узнавiць на нашай Бацькаўшчыне родную Беларускую Аўтакефальную Праваслаўную Царкву, у якой Беларускi Народ будзе ў роднай мове пазнаваць Твае Наказы, дзякаваць за Твае дабрадзействы ды ўздымаць з пакаленьня ў пакаленьне хвалу Айцу, i Сыну, ды Сьвятому Духу.
Aмінь.
 

 

ШТОДЗЕННЬІЯ МАЛІТВЬІ 

У Ймя Айца, і Сына, і Сьвятога духа, цяпер і ўпрьйсьць, ды на Ўвесь час. Амінь. 
Божа, будзь міласьцівы мне грэшнаму. Госпаду Ісусе Хрысьце, Божы Сыну, праз малітвы Твае Найчыстае Маці й усіх сьвятых зьмілуй нас. Амінь. 
Слава Табе наш Божа, слава Табе. 
Уладару, што ў небе, Суцешніча, Духу Праўды, Ты, што скрозь бытны й усе поўніш, Багацьце дабра ды Даўча жыцьцця, прыйдзі й усяліся ў нас, і ачысьць нас ад усялякага блага ды збаў, Ласкаў, нашыя душы. Сьвяты Божа, Сьвяты Моцны, Сьвяты Несьмяротны, зьмілуй нас (тройчы й тры паклоны). 
Слава Айцу, і Сыну, і Сьвятому Духу, цяпер і ўпрыйсьце, ды на ўвесь час. Амінь. 
Найсьвятая Тройца, зьмілуй нас, Госпаду, ачысьць нашыя грахі, Уладару, даруй нашыя няпраўнасьці, Сьвяты, наведай ды аздараві нашыя немачы, дзеля Твайго Ймя.  Зьмілуй, Госпаду (тройчы). 
Слава Айцу, і Сыну, і Сьвятому Духу, цяпер і ўпрыйсьць, ды на ўвесь час. Амінь. 
Войча нащ Той, што на небе Ты бытны, будзь Тваё ўсьвячанае Ймя. Тваё Гаспадарства прьйдзі, Будзь Твая воля, як на небе, гатак і на зямлі. Нашага пражьтнага хлеба сёньня нам дай. І даруй нам нашыя віны, гзтак, як і мы дароўваем тым, што вінныя нам. І ў спакушэньне нас не ўвядзі, але ад ліхога нас збаў. 
Бо Тваё Гаспадарства, і сіла, і слава, Айца, і Сына, і Сьвятога Духа, цяпер і ўпрыйсьць, ды на ўвесь час. Амінь. 
Прыйдзеце, паклон дамо нашаму Ўладару Богу. Прыйдзеце, паклон дамо ды ўпрашацьмем Хрыста нашага
Ўладара Бога. Прьйдзеце, паклон дамо ды ўпрашацьмем самога Хрыста, Ўладара й нашага Бога. 

 

ВЫЯЎ ВЕРЫ 

Я веру ў аднаго Бога Айца над усім Уладара, што неба й землю стварыў, ды ўсе бачнае й нябачнае. 
І ў аднаго Госпада Ісуса Хрыста, Божага Сына, адзінага,  што ад Айца нарадзіўся за ўсе вякі перш, Сьвятло ад Сьвятла, Бога папраўдзе ад Бога папраўдзе, што нарадзіўся, ня створаны быў, адзін і той сам есьць з Айцом, ды што зь Яго ўсе пайшло. 
Што дзеля нас, людзей, і дзеля нашага збаўленьня зь неба зыйшоў, і ўзяў цела ад Сьвятога Духа й Дзеўны Марыі, ды стаў чалавекам. 
Што за нас на крыж быў прыбіты пры Понцкім Пілаце, і цярпеў мукі, ды пахованы быў. 
І ўстаў жывы на трэці дзень паводле Пісьма. 
І на неба ўзыйшоў, ды сядзіць праваруч ля Айца. 
Ды ўзноў прыйдзе йз славай судзіць жывых і памерлых, Ягонаму-ж Гаспадарству ня будзе канца.
І ў Сьвятога Духа, Госпада, што стварае жыцьце, а йдзе ад Айца, ды Яму з Айцом і Сынам пакланеньне й слаўленьне ўраўні, Ён-жа маўляў праз прарокаў. 
У адну Сьвятую, Саборную й Апостальскую Царкву. 
Вызнаю адно хрышчэньне дзеля адпушчэньня грахоў. 
Чакаю ўстаньня памерлых ды жыцьця ў веку, што прыйдзе. Амінь. 

 

МАЛIТВЫ ДА БОЖАЕ МАЦІ

Божая Маці, Дзеўна, радуйся, ласкай шчадроная Марыя, Госпад з Табою. Хвалаваная Ты паміж жанок і хвалаваны Твайго ўлоньня Плод, бо Ты нарадзіла Збаўца нашых душаў. 
Папраўдзе нам годна чзсьціць Цябе, ўсьцяж хвалаваную ды найчысьцейшую Дзеўну, што Маці нашага Бога, за хэрубімаў у чэсьці вышзй і без раўні за сэрахвімаў слаўней, што нязблажна нарадзіла Бога Слова, Цябе, што Божая Маці, мы ўсьцяж узвышаем. 

 

МАЛІТВА ДА АНГЯЛА АХОЎНІКА

Сьвяты Ангялу, што заступаешся за маю нягодную душу й мае распуснае жыцьце, не пакінь мяне грэшнага, ані адступіся ад мяне за маю нястрымнасьць. Не дапусьці, каб празь няўрымсьлівасьць майго сьмяротнага цела мноюавалодаў хітры дэман. Умацуй маю бедную й слабую руку й накіруй мяне на збаўленны шлях. О, Сьвяты Божы Ангялу, ахоўніча й апякуне мае нягоднае душы й цела, даруй мне ўсё, чым-колечы я Цябе абразіў праз усе дні майго жыцьця й як яшчэ зграшыў за гзтую апошнюю ноч. Заслані мяне ў гэты двень й ахавай ад усялякае варожае спакусы, каб я ніякім грэхам не ўгнявіў Бога. Ды ўпрашай за мяне Госпада, каб Ён умацаваў мяне ў пашане да Яго, ды зрабіў мяне, Ягонага слугу, годным Ягонае дабрыні.

 

МАЛІТВА ДА СВАЙГО СЬВЯТОГА ЙМЕНЬНІКА 

Упрашай Бога за мяне Сьвяты Божы Дагодніча (ймя), бо я ад сзрца зьвяртаюся да Цябе, борздага паможніка й упрашальніка за маю душу. 

 

МАЛІТВА ЗА БАЦЬКОЎ І СВАЯКОЎ 

Збаў, Госпаду, і зьмілуй маіх бацькоў (імены), братоў і сёстраў ды ўсіх маіх сваякоў, а таксама дабрадзеяў і прыяцеляў майго роду ды ўшчадры ўсіх іх насьветнім і засьветнім дабром. 

 

МАЛІТВА ЗА ПАМЕРЛЬІХ 

Між сьвятымі дай спачын, Хрысьце, душам Тваіх слуг (імены) там, дзе болю няма, ні журбы, ані ўздыханьня, адно бясконцае жыцьце й наддамавінны плач абяртаецца
ўва сьпеў: Алілуя, Алиуя, Алілуя. 

 

ПЕРАД ПАЧАТКАМ КОЖНАЕ СПРАВЫ

Госпаду, паспрыяй. або: Госпаду Ісусу Хрысьце, Адзіны народжаны Сыну Твайго беспачатнага Айца, Ты мовіў найчыстымі Тваймі вуснамі, што: “безь мяне ня можаце нічога тварыць”. Госпаду мой, Госпаду, я зь вераю ў маёй душы й сэрцы прыймаючы Твае словы, зьвяртаюся да Твае дабрыні: памажы мне, грэшнаму, гэтую, што пачынаю, справу, з Табою завяршыць, у Ймя Айца, і Сына, ды Сьвятога Духа. Амінь.

 

ПАСЬЛЯ ЗАВЯРШЭНЬНЯ ЎСЯЛЯКАЕ СПРАВЫ

Слава Табе, Госпаду. або:
Ты, мой Хрысьце, выпаўненьне ўсіх дабрыняў, напоўні маю душу радасьцяй і весялосьцяй, ды збаў мяне, бо Ты адзіны дужа міласьцівы.

 

ПЕРАД ПАСІЛКАМ

Войча наш.., або:
Вочы ўсіх да Цябе, Госпаду, зьвяртаюцца з надзеяй і Ты ўпору даеш ім ежу, адчыняеш Тваю шчодрую руку ды ўволю сыціш усё жывое. або:
Дай, Хрысьце Божа, каб на карысьць пайшла ежа й пітво Тваіх слугаў, бо Ты сьвяты, цяпер, і ўпрыйсьць ды на ўвесь час. Амінь.

 

ПАСЬЛЯ ПАСІЛКУ

Дзякуем Табе, Хрысьце наш Божа, што Ты насыціў нас Тваім зямляным дабром, не пазбаў-жа нас Твайго Гаспадар-ства на небе, але як калісь, даючы мір, Ты прыйшоў да Тваіх вучняў, гэтак прыйдзі й да нас, ды збаў нас.

 

ПЕРАД СНОМ

У Твае рукі, Госпаду Ісусе Хрысьце, мой Божа, аддаю мой дух: Ты мяне ўшчадры, Ты мяне зьмілуй і дай мне вечнае жыцьцё. Амінь.